கனத்த அடி வயிறு !

வெளியில் கிளம்பும் போதெல்லாம் ஒரு நெருடல்

நீண்ட நேர கோயில் வரிசைகளிலும் ,

நாள் முழுக்க செய்யும் ஷாப்பிங்கின் போதும்

அடி வயிறு கனக்கிறது

ஒவ்வொரு ஹோட்டலிலும் அதற்கான அறை இருக்கிறதா என்று தேடுகிறேன்

யாரிடம் கேட்பது என்ற கூச்சம்

வீட்டைபூட்டும் முன்பும் கூட ஒரு முறை போய் வந்தேனே

ச்சே தண்ணீர் குடித்திருக்க கூடாதோ?

இந்த மாதிரி எந்த பதட்டமும் இல்லாமல்

நாள் முழுக்க என்னோடு பயணிக்கிறார்கள்

என் கணவனும் , மகனும் !!